Оюутны Хөдөлмөр Зуучлалын Алба

Нийгмийн хамгаалал, хө­дөлмөрийн яамны дэд сайд Ц.Нямхүү Нийслэлийн хөдөл­мөрийн газрын үйл явц, оюут­ны хөдөлмөр эрхлэлтийг дэм­жих төвийн үйл ажиллагаатай танилцлаа. Нийслэлийн хөдөл­­мөрийн газарт одоогоор Баянгол, Сонгинохайрхан дүүргийн X дугаар хороо, Хан-Уул дүүргийн тавдугаар хо­роонд тус бүр 40 ажлын байр­ны захиалга байгаа аж. Ажилд орохыг хүссэн залуус ихэвч­лэн 34 хүртэлх насных байна.

Нийслэлийн Хөдөлмөрийн Газар, Боловсрол, соёл, шинж­лэх ухааны яамтай хамтран өнгөрсөн тавдугаар сараас оюутнуудыг хөдөлмөрийн зах зээлд бэлтгэх, цагийн ажилд зуучлах болсон байна. Үүний дүнд ажил хайж 10 мянга гаруй оюутан бүртгүүлснээс 3315 оюутан цагийн ажилтай болжээ. Нийслэлийн хөдөл­мөрийн бирж 200 гаруй аж ахуй нэгжтэй хамтран ажил­ладаг байна. Түүнээс байн­гын ажиллах хүч авч хамтран ажилладаг 80 гаруй байгуул­лага бий гэв.
Оюутны бизнес эрхлэл­тийг дэмжиж байгаа аж. Үүний хүрээнд хөтөлбөр хэрэг­жүүлж 55 оюутанг хам­руул­сан байна. Тэдэнд 161 сая төг­рөгийн зээл олгожээ. Оюут­ныг цагийн ажилд зууч­лахын тулд Мон­голын оюут­ны холбоотой хамтран су­далгаа явуулсан аж. Одоо­гоор 30 гаруй оюут­ны ажлын байрны захиалга уг газар бүртгэгдсэн байна. Ер нь жилд дунджаар 150-160 мян­ган оюутан их, дээд сургуу­лиудад суралцдаг аж. Хө­дөл­мөрийн насны нийт хүн амын 21.3 хувийг оюу­тан залуус эзэлдэг гэнэ. Нийт оюутны 80 гаруй хувь нь Улаанбаатар хотод байдаг. Оюутнуудын дунд хийсэн судалгаагаар тэд сард 50-100 мянган төгрөгийн хэрэг­лээтэй байдаг аж. Ихэнх нь эцэг эхээсээ мөнгө авдаг учраас цагийн ажил эрхлэх хүсэлтэй байдаг.
Оюутнуудын 54 хувь нь амралтын өдрөөр ажиллах сонирхолтой байдаг аж. Мөн зарим хэсэг нь оройн цагаар ажиллахыг илүүд үздэг бай­на. Харин 45 хувь нь сурал­цаж буй мэргэжлийнхээ да­гуу ажиллах хүсэлтэй гэсэн. Тэг­вэл 28 хувь нь ямар ч цагт ажиллах сонирхолтой хэ­мээн хариулжээ. Цагийн ажил  нь 1500-2000 төгрөгийн үнэлгээтэй байдаг аж. Долоо хоногт 20-иос доошгүй, өдөр дөрвөн цаг ажиллах боломж­той. “Номин холдинг”, “Таван Богд” зэрэг томоохон бай­гуул­лагууд оюутныг цагийн  ажилд авах сонирхолтой байдаг гэсэн. Ихэвчлэн сур­тал­чилгааны ажилтан, бор­луулагч, бараа өргөгч гэх мэт ажилд авдаг байна. Сүүлийн үед судалгааны компаниуд ца­гийн ажилд оюутнуудыг ихээр авдаг болжээ. Мөн өн­гөр­сөн жилийн ургац ху­раалтын ажилд 3000 орчим оюутанг хамруулсан байна. Энэ жил Монголын оюутны холбоотой хамтран цагийн ажлыг улам өргөжүүлсэн аж.
Дашрамд дурьдахад, га­хайн томууны дэгдэлттэй хол­­боотойгоор Баянзүрх дүүргийн 16 оюутны байранд 4282 ширхэг чацарганы си­роп, 2141 кг аарц таараажээ.